30 June 2006 許懷欣破老豆格入樂壇 (新報) 不少紅星第二代也對這個五光十色的娛樂圈滿有興趣，但大多數都被批評得體無完膚，因為少不免被人拿來跟作為一代紅星的父母比較，真正能站穩腳的，只有四哥兒子謝霆鋒和「龍之子」房祖名，前者歌影皆精，紅遍亞洲，後者則是影壇新貴，能夥拍名導演之餘，每套電影也擔正男主角。許懷欣 (Ryan) 這個名字，大概大家也不會陌生吧！他是「歌神之子」，加入樂壇，大家除了有所期待，也少不免將他和父親歌神許冠傑 (Sam) 比較。 自彈自唱 Ryan 對這些別人眼中的比較，很快就不在乎，不是因為他打算放棄這行，而是他有自己一套，希望做一個成功唱作人，把不同的音樂帶入香港樂壇。現在他才開始行這條音樂路，結果如何還未知道，但對音樂的熱誠，相信是遺傳自父親吧！ 大家真正記得許懷欣這個名字，大概是在 2004 年時，歌神 Sam 復出，開「許冠傑繼續微笑演唱會」吧！那時候， Sam 找來 Ryan 演出，於是大家就留意到他。「爸爸係 Super Star ，所以我加入娛樂圈，係會有少少壓力，怕自己做得唔好。我同爸爸既 style 都唔同，我玩既音樂係 Rock 、 Punk 。爸爸一直都好支持我，做我鍾意，最重要開心既事，令我好開心。爸爸出名，雖然令我有壓力，但係『許冠傑』個仔，呢個係真相。其實都幾好，大家認得我，係我吸納新 Fans 同時，有好多爸爸既 Fans 都支持找，感覺幾好！ 歌神形象深入民心，大家都不會忘記他最喜愛自彈自唱。無獨有偶， Ryan 也是以唱作形式加入娛樂圈。除了先天遺傳，不禁也會聯想到是 Sam 的後天培養，早就教兒子學音槳吧！「其實爸爸無話一定要我學玩樂器，不過細細個成日見佢係屋企作曲，又播唔少歌，所以慢慢對音樂產生興趣， 10 歲開始想學彈結他，因為見爸爸彈得好有型，哈哈！讀完 F.3 個時 14 歲，我就開始夾 band 。其實係美國讀書時，仲做過好多騷，又同其他 band 出過碟。就算唔返香港，音樂仍然係我生活一部分，我都會四圍唱歌，一樣會出碟。依家轉左新公司，努力造歌，計劃 7 月出 EP ，會唱廣東歌同英文歌，係 Rock 歌，唔係商業歌，希望可以畀到唔同音樂大家欣賞。」 轉會再戰 回到香港，為父親演唱會演出，除了父子檔演出有賣點外，讓 Ryan 直接得益的，是有人看見他的音樂才華，認為他可以試試做歌手，他便加入樂壇，還打算做去年的新人，但果未能成事，大家以為他在打退堂鼓，轉做幕後。其實真相不是如此，只是在出碟問題出了岔子。「其實我唔係轉做幕後，都唔知點解大家講講下講到咁。其實上年無出到碟，因為同舊唱片公司唔，夾意見不合，所以轉公司。咁岩當時又忙緊爸爸個巡迴演唱，結２果有時間做碟。 做紅星的第二代，較受注目即是相對較大壓力，因為每件事都要做得好，做不好，就是丟了紅星父母的架。 Ryan 可有此感？我既想法同爸爸畀既意見一樣，勤力工作，唔好擔心外人點諗，盡力做好自己！ 在演唱會上以身份公開演出，受萬人注視的同時，也意味著，他往後的一舉一動，也將無時無刻被留意，被放大。被狗仔隊跟蹤，是意料中事？上年都幾多狗仔隊跟，依家可能我搬左佢地跟唔到。個時跟足一個星，期不過我覺得行街光明正大，畀人影到都無問題，預左。細細個都已俾人影啦！哈哈！ 不是嚴父 比較有興趣想佑的，是 Ryan 由小到大，如何和 Sam 相處。而 Sam 自復出後，也有不少負面的傳聞， Ryan 又如何看呢？其實依家同爸爸比以前親密，以前係美國讀書，可能一年先見到 1 、 2 次。都係因庶佢開演唱會，返左香港，初時係佢屋企住，見多左好多，都住成半年先搬出去。依家每個星期都會成家人食飯。（細個時點相處？）佢係一個好 free 既爸爸，佢唔會打我，做錯野會教我，鬧我。最記得我細細個睇佢套最佳拍檔，佢發惡有一個 King Kong 樣，我一做錯野佢就整個 King Kong 嚇我，我就已經會好驚。反而媽媽就會打我 pat pat ！ 談到ｓａｍ被指有怪行和跟兄長（許冠文）不和， Ryan 答得不避忌１，替 Sam 說句公道話。上次許思行結婚，佢唔去得因為佢有野做，話佢同 Uncle （許冠文）有咩不和，真係無聊新聞。有報道話爸爸行為怪異，我覺得好好笑。咁佢都退左休，得閒曬太陽，做下自己鍾意既野都好正常。佢再開演唱會，都唔係話想賺錢，而係想見下 Fans 。佢諗住搞演唱會寺，打電話叫我幫手，同我講話香港剛經歷完 SARS ，想 氹 下香港人開心。大家話佢狂迷豹紋，咁呢個係佢喜好，有咩問題，咁鍾意既野，買好多都正常。我唔知人地點諗，但我同太太睇到覺得好好笑。
|
||||||||
只作私人收藏及欣賞之用，請勿隨意轉載。 copyrights to respective original owners and media outlets. |
||||||||
