21 July 2006

歌神之子有樣學樣　怕醜仔許懷欣樂畀你睇 ( 太陽報 )

藝人第二代闖娛樂圈大有人在，有人成功、有人失敗，最新加入的有挾歌神許冠傑兒子之名闖樂壇的許懷欣，比起爸爸，他更怕醜，但勝在有一顆不放棄的心！

許懷欣早在十歲已喜歡唱歌，當時見爸爸又唱又跳好型，便開始學結他，既然早知路向，為何婚後才入娛樂圈？他說：「爸爸唔會管我做乜o野 ，但一定要讀完大學，到前年爸爸開演唱會，打電話叫我返來幫手。太太好支持我，淨係剛剛由美國返香港有人影相會唔慣，依家冇乜o野 ，我地識返屋企拉晒窗簾，保留少少私人空間。」

新碟搵老竇教路

即將推出新 EP 中，六首歌中有四首廣東歌、兩首英文歌，讀番書大的許懷欣中文程度一般，廣東歌惟有交給爸爸過目：「大部分歌都係自己作，但中文歌詞就搵人寫，爸爸睇過都有畀意見。」

許懷欣相當怕醜，面對陌生人，說話總是不多：「我都知做娛樂圈性格唔可以咁內向，慢慢改o勒 ！已經比最初好左好多，知道係呢個商業社會，想將自己o既音樂帶畀大家，就要做多o的野。」