14 Dec 06

歌神之子 許懷欣Ryan 隨意做潮人 (成報)

貴為「歌神」許冠傑的兒子，許懷欣（Ryan）卻與普通的年輕人毫無分別，同樣鍾意行旺角、鍾意紋身，鍾意儲Figure、鍾意板仔衫，鍾意Sporty手錶。13歲遠赴美國升學的他，生活習慣亦深受美國文化熏陶，享受隨意而輕鬆的生活。

在美國長大的Ryan平日的生活模式除了玩Rock、聽音樂外，還會玩滑板、睇騷。「我既嗜好比較靜D，好少落Pub同Disco，鍾意同屋企人食飯、睇下戲咁。」他最大的嗜好是砌模型，至今他已有無數收藏品，在香港的工作室更是擺滿了玩具和模型，似足旺角的專售模型的店舖。

說起心愛的玩具，他臉上泛起稚氣的笑容：「我成日都會同細佬行旺角既模型舖，最鍾意D特別限量版，或者港、日合作的產品。好似Michael Lau既模型我都好鍾意。」他的收藏太多，有時他都會將以往的收藏品放上Ebay拍賣，公諸同好。「我會將舊個D收藏賣左之後，再買新既。」由於他眼光奇準，通常他的收藏都升價不少。在他所有的收藏品中，有不少他視為珍藏的非賣品，他謂：「最貴一個係四千蚊，有D設計師既親筆簽名，個D就一定唔會賣。」

帶頭儲模型成風氣

他的嗜好甚至影響了身邊的友人，「之前我D朋友來我屋企睇到我既收藏，會笑我小朋友，之後我慢慢解釋畀佢地聽，到底呢D模型既奇妙之處，點佑佢地都儲埋一份，搞到朋友既太太同屋企人都打來畀我，鬧我教壞佢地、o徒晒D錢，哈哈。」他在當地大學畢業後，曾做過繪畫設計的工作，對於有關的東西他都深感興趣。
在加州時，他亦有玩滑板，玩到有店舖主動贊助他，又試過斷腳，手錶亦爛了無數，因此他偏愛運動型手錶，「我覺得戴錶係視乎場合、衣著，平日的便裝就最適合戴Sporty既錶，而多功能既錶、好似可以顯示不同地方時間既錶都好正。」對Rock音樂情有獨鍾的他覺得運動型手表最適合自己。

腳上紋身表達個性

自細已喜歡看日本漫畫、卡通的Ryan十分鍾情日本的傳統圖案，因此嘗試了生平首個紋身，結果引起父親Sam的反對，他笑謂：「依家紋身都好普通啦，咩年紀既人都會有，對我來講紋身只係表達自己既一種個性。不過五年前，我返來香港探父，行旺角時D人見到我腳上既紋身，都好奇怪咁望住我，好似我係黑社會咁，但依家就無啦。」他嘻嘻笑說。
作為歌神之後，他最開心是父親讓他去美國留學，過著無拘無束，沒有壓力的生活，他本來希望中學畢業後便返港玩音樂，最後在Sam的勸諭下，他選擇了讀大學，取得工商管理的學位，才返港繼續他的理想。「我好開心爹地有咁既決定，以後我有BB都會咁樣教佢，始終呢個世界上有好多人無辦法接受教育，完成學業對自己有保障。」