16 May 2006

許懷欣勁讚深圳 (TVB 週刊 #465)

早前新城娛樂台及廣東電台為慶祝聯播節目《粵港越流行》一周年紀念，主持薛家燕率領一眾主持慢必、路芙、陳禮賢、無線節目《殘酷一叮》兩位叮王喬寶寶、莫凱謙及表演嘉賓許懷欣，齊齊出席於深圳某商場內舉行 o 既「粵港越流行家燕一叮大會」。當日招募 o 左香港及深圳共七位參賽者即比試，表演項目包羅萬有，例如 talk show 、唱歌、跳舞及耍功夫等。

不過表演嘉賓許懷欣原來係第二次到深圳表演，「有好多野食，同埋有好多野買， o 的人又好熱情，係一個唔錯 o 既地方。」以為一班女士對深圳 shopping 有興趣，估唔到鬼仔性格 o 既許懷欣，都有讚冇彈。