12 Jul 2006

鍾情crossover珍藏　許懷欣三大至愛顯品味 ( 東方日報 )

本身是中(父)美(母)混血兒的許懷欣(Ryan)愛crossover，他連收藏品也是crossover的精選，好似crossover限量版波鞋，還有crossover 品牌的模型，每樣都各具價值，使他愛不釋手。

30對波鞋易襯衫

最愛casual打扮的Ryan，愛買波鞋襯衫，貪波鞋既舒服又有型，故他每逢遇合眼緣的波鞋，都會忍不住據為己有。單在香港的家就有成近三十對波鞋，而Ryan視為「精品」的波鞋就有五對，分別有最具收藏價值的是「Lakai 852」波鞋，Ryan話：「呢對鞋全球只得七對，因為我同個賣家係好朋友，所以佢畀左對十號我，但十號鞋只得我一對，所以係獨一無二既」。不過Ryan就話他的最愛是黑色的「KAWS X DC SHOES CO」，他手執波鞋說「呢對係限量版，全球只得一百至二百對度，我就好鍾意波鞋既DC漫畫，我買時要成六百蚊港幣，但曾經都炒到近二千。」

模型公仔勁升值

而Ryan另一類至愛收藏品就是模型，他抱住木製的KAWS X MEDICOM TOYS 400%話這類模型公仔最特別之處是木製，有別於市面的硬膠製品，而且手工好精細，公仔的身上的關節全部可以郁動，Ryan說：「呢個公仔賣成九百蚊港幣，但而家炒到成七千蚊，我將佢擺係公司，成日對住佢。」Ryan又介紹他第二至愛模型GAMERA1996 Vinyl Kit怪獸，其實是「超人」劇集中「哥斯拉」的死對頭，Ryan：「表示呢個模型最好玩既地方係由自己上色，我用左三夜時間先完成呢個作品。」

最愛黑膠有沙音

另外，Ryan亦收藏了大量大、細黑膠唱片，Ryan最愛聽的是WES MONTGOMERY，他鍾情黑膠碟的原因是，唱片放在唱盤時會發出「沙沙」的聲音，令人聽得特別有感覺，而唱片是他五年前在美國唱片舖買，他表示：「我好鍾意呢張純音樂的唱片，鍾意到每日最少要聽四至五個鐘先夠。」