1 Dec 2006

許懷欣決戰滑板高手 ( 蘋果日報 )

許懷欣（ Ryan ）早前與數位由澳洲到港的滑板高手同場較量，其間他儼如「問題青年」般，不停請教玩滑板的技巧。曾玩滑板弄致斷腳骨的 Ryan ，表示加入樂壇後不敢再做高危跳板動作，不想因受傷而影響工作。

許懷欣 15 歲時在爸爸許冠傑的教導下玩滑板，之後愛上這玩意。日前他更與從澳洲來港的滑板高手切磋，見 Ryan 身手敏捷，技術毫不遜色，還不停詢問有關玩滑板的技巧，可見其狂熱程度。 Ryan 說：「係爸爸教我玩滑板o既佢算係我第一個師傅，之後我就瘋狂愛上呢種運動，日日都踩住塊滑板。」

邊玩邊學中文

當時很多人認為玩滑板的都是不良少年， Ryan 卻表示父母從沒擔心過他終日與朋友到公園玩滑板而學壞，他說：「我好多時都會同一班玩滑板o既朋友去公園切磋，佢地個個都好乖架，所以爸爸媽媽都好放心，而且我玩滑板之餘，班朋友仲教識我好多中文，令我中文進步左好多。」

不過 Ryan 試過玩滑板跌斷腳骨，要治療數月才完全康復，加入樂壇後，他便不敢再做一些高難度動作，他說：「以前細個真係乜野花式都敢玩，跳到幾高都唔識驚，但依家唔可以咁貪玩啦，因為整斷骨要幾個月先好番，我好怕整親後冇機會再唱歌，所以依家都少左玩。」

熱愛玩滑板的許懷欣日前露兩手，有姿勢有實際。

見許懷欣輕易地做出跳躍動作，身手敏捷。

許懷欣（左二）與澳洲滑板高手較量，絕不失禮。